Pages

One Lagos Fiesta

One Lagos Fiesta

Tuesday, 19 June 2012

MATTHEW 4:1-11

MATTHEW 4
1. No be small thing o! Jesus just DEY him own jeje na so Devil come and come and carry him travel go where he set exam for am

2. Bros Jay sef no DEY try... How him no go lem 40 days and 40 nights? He must H na!

3. The hunger hold Jesus for spine so tey, one bad mind come dey test am, say "EHEN, no be you say God na your peele? OYA convert this granite to Agege bread make I see."

4. Jesus na bad guy o! No do no do Jesus turn the thing to rough. Con ans Devil... "You no go school. You no read where, them talk say "Make guys no they wack bread alone? Say unless only the yarns from Baba Gorde mouth?" ...but wait o! you sure say Jesus true true DEY hung? Because Agege bread no be bad idea o!


5. Devil come look Jesus corner eye, con say, "Ok. You get mouth" con carry Jesus go top top of the hiiiiiiiiighest part of the cathedral for their shosh. That no be kidnapping?

6. Devil con do eye like Frank Edoho, con tell Jesus again, (no forget say Jesus never lem o! All him eye go don DEY see vision) "EHEN! If na true say you be God Pickin and them born you well, close your eye then jump from here... You been think say I no DEY read ABI, Shebi Gorde talk say him go send him angels against garlala for you and say them go carry you like Omomo for hand, make you no go use leg back stone come talksay one thing do one thing"

7. Jesus eye clear sharp sharp, because from that place go down... Na die be dat! Jesus con tell am say "Look here, you go wound o! ABI you no hear say "Make you no take God they do who wants to be a millionaire?" Devil been wan ans am if that na him final answer.. But time no DEY and Devil DEY hurry.

8. Devil still no GREE, con carry Jesus go another hiiiiiiiiiiigheeeeeest mountain, that type for National Geographic WEY DEY be like inside freezer, ( this devil SEF get mind o! Na Jesus I blame SEF, him no fit say ABEG ABEG... Just they follow Devil like say na twitter) anyway, then con rich the place Devil come give Jesus binoculars take look all the world, con show am all the better better things,

9. Devil, that is Frank Edoho, con smile and frown at the same time, con face Jesus korokoro, (you see say him no DEY fear him head) and come and say, "You see all those things, crude oil, diamond, gold, babes,... Everything everything! I go dash you, if you just say migwo and tuuuuuaaale for me."

10. This time Jesus Hunger don mix with vex turn to provoking. Jesuc con Parannoyed join the matter. Bros Jay just hold Devil collar with one hand draw him e year, with the other hand... con warn am, "Fade commot for here Satan! Abi you no know say E DEY book say, "Make we DEY tuuuuaaaale only Jehovah and only him we go DEY butu for" so before the spit i spit for ground dry and I open my eye, Make you don vaaaa from here!

11. Before Jesus open eye SEF, Devil don bale! Body phone am, because, the angels begin land like Nigerian police after the gbege don finish... Come DEY form busy body give Jesus... But na only Angel Gabriel Jesus get him time... Him bring KFC with cold sprite.

32 comments:

  1. hahahahaha........u no serz, walahi. LMAO

    ReplyDelete
  2. Ali i don die finish. Come to think of am, Frank Edoho resemble devil o as eim dey deceive people for who wants to be a millionaire.

    ReplyDelete
  3. Seriously u finish dis one, even use Frank Edoho take do experiment, U be true naija breed. I Hail U Master

    ReplyDelete
  4. No be small thing o...! Lol

    ReplyDelete
  5. Lwkmd......dis man is so sick. Buhahahahaha

    ReplyDelete
  6. Hahahahahahahahaha
    Nice 1 Boss!

    ReplyDelete
  7. U don make me piss 4 body ! Kai

    ReplyDelete
  8. I duff my Hat!! Frank dem don finish u for here,

    ReplyDelete
  9. AAAALLLLLIIII BBBAAAABBBBAAA, NA WA FOR U, U WAN MAKE PERSON PISS FOR BODY. ANYWAYS, THUMBS UP JOOR, QUITE HILLARIOUS. KEEP IT UP

    ReplyDelete
  10. Hahahahahahahahahhahahhahahahhaha bros abeg no wound us here wiv lafta o i don laff so teyyyyy tears dey commot 4 my eyezz....

    ReplyDelete
  11. ℓ̊​ S̤̥̈̊υ̲̣̥я̲̣̣̥ǝ̩̥ say bros Jay go D̶̲̥̅̊ε̲̣̣̣̥γ̲̣̣̥ laff 4 ð yarns sef. If U̶̲̥̅̊ ans ♍Ƹ̴ na who ℓ̊​ go ans...

    ReplyDelete
  12. olubukola Bells19 June 2012 at 07:01

    OMG lwkmd!!!! Chai!!! Someone jus said i was nuts laughing d way i jus did!!!wat a translation!!!! IMAO!!!! Lol!!!!!!

    ReplyDelete
  13. Perfecto infinito...correct yarns, bros ¶ hail ooo...but na whr binoculars for show nau? Seriozly laffing out loud hahahahahahahaha...

    ReplyDelete
  14. If i catch u ehn i go take bible play u........ Laff don remove my vex...... Baba once again na u be nigerian king of comedy all the odas dey learn for where u dey..... Tuaaleh

    ReplyDelete
  15. Alibaba don mad finish!!!!!!!!!! lol!!!!!!!!!1

    ReplyDelete
  16. laff wan kil me die....Ali d baba...dats y dem call u Alibaba...u 2much jooor

    ReplyDelete
  17. "Na Jesus I blame SEF, him no fit say ABEG
    ABEG... Just they follow Devil like say na twitter" That had me rolling... L̳̿Ö̤̣̇☺ː̗̀(=)))ː̖́☺Ö̤̣̇L̳̿!

    ReplyDelete
  18. Make you no take God dey do who wants to be a millionaire and the KFC and sprite ish...hahahhahahahaha! Baba you too much...

    ReplyDelete
  19. Hahahahahahah, Ali Baba has never stopped making me laugh. This guy, thumbs up to you jor, you're too much. You can never miss originality!

    ReplyDelete
  20. Ok Ali, your blog should come with a stern warning. DO NOT READ THIS AT THE OFFICE. LIABLE TO CAUSE EXCESSIVE LAUGHTER, LEADING TO TEARS. I've laughed sooooooooo hard, my colleagues think I've lost it here.
    Keep them coming, sir! I tuuuuuale for you!

    ReplyDelete
  21. I can't believe i didnt know Alibaba until early this yr when i followed him on twitter. I keep asking myself "where u dey all dis while?" from January till now the man has given me a reason to log in to twitter every single day.
    And now i'm getting addicted to his blog.
    The twitter and KCF parts had me rolling. Thumbs up to you sir.

    ReplyDelete
  22. Brosssssssss!!! E be like say U join folllow d mata dat year I think? U too mush abeg! Before U na comma, after U na fulllstop!!! Their ear!!!

    ReplyDelete
  23. Hahahahahahaha!!!wahala dey Alli BabA u be d real Baba of comedy d only tin mis there is d KFC I beg call me next make I witnees such, I belive d end go fAvour me

    ReplyDelete
  24. Laff don make mii loose my virginity ooooo!!!!!!!mr ali yu re on point sir......

    ReplyDelete
  25. HILARIOUS!!!!!

    ReplyDelete
  26. Hahahahahahaha. Too funny

    ReplyDelete
  27. "But na only Angel Gabriel Jesus get him time... Him bring KFC with cold sprite." na dat last line commot water for my eyes from too much laugh. Baba na you be the best o, no one like you. twaile!!!

    ReplyDelete
  28. "...the Angels begin land like Nigerian Police after gbege don finish, come dey form busy body give Jesus..."

    This got me cracked up...Nice one Sir!

    ReplyDelete
  29. #Punchline ~» "But na only Angel Gabriel Jesus get him time... Him bring KFC with cold sprite."
    Hahahahahaha!!!!!!! Hilarious!

    ReplyDelete